Tangónámskeið fyrir byrjendur að hefjast í Kramhúsinu

Kramhúsið auglýsir 6 vikna tangónámskeið sem hefst
28. apríl n.k.  Kennt verður einu sinni í viku.  Námskeiðið er fyrir byrjendur og verður kl. 20:00 á föstudögum.  Nauðsynlegt er að hafa dans-partner á námskeiðunum.  Kennarar eru Tryggvi Hjörvar og Tinna Ágústsdóttir.  Nánari upplýsingar eru á heimasíðu Kramhússins (http://www.kramhusid.is/events/tango/) og þar er hægt að skrá sig.  Einstaklingar sem vilja taka þátt í námskeiðinu en vantar dansfélaga geta nýtt sér Facebook-hóp sem nefnist Tango club Reykjavík – Partnersearch.  Þar er hægt að pósta í grúppuna:
https://www.facebook.com/groups/579335245422129/

Tangófélagið býður þátttakendum á námskeiðum Kramhússins ókeypis aðgang að milongum félagsins á meðan á námskeiðunum stendur.  Tangó-dansleikur nefnist ‘milonga’ og Tangófélagið stendur fyrir tveimur slíkum milongum í viku, á miðvikudögum kl. 21–23 á Kaffitári  (Bankastræti 8) og í Kramhúsinu (Skólavörðustíg 12) á föstudagskvöldum kl. 21–24.   Sérstök athygli er vakin á því að milli kl. 21 og 22 á föstudögum er svokölluð ‘praktíka’ (eða æfinga-stund) í Kramhúsinu.   Þar er tilvalið fyrir nemendur að æfa nýju sporin sem kennd verða á námskeiðinu hjá Tinnu og Tryggva.

Skildu eftir svar

Netfang þitt verður ekki birt. Nauðsynlegir reitir eru merktir *