Greinasafn fyrir merki: uppsláttur

Námskeið hefjast 27. okt.

Kramhúsið auglýsir tvö 6 vikna tangónámskeið sem hefjast
27. október n.k.  Kennt verður einu sinni í viku, á föstudagskvöldum.  Byrjendanámskeið verður kl. 20–21 og framhaldsnámskeið kl. 21–22. Nauðsynlegt er að hafa danspartner á námskeiðunum.  Kennarar eru Tryggvi Hjörvar og Þórunn Sævarsdóttir.  Nánari upplýsingar eru á heimasíðu Kramhússins og þar er hægt að skrá sig á námskeið:
http://www.kramhusid.is/events/tango/.
Upplýsingar um verð er að finna hér:
http://www.kramhusid.is/verdskra/
Einstaklingar sem vilja taka þátt í námskeiði en vantar dansfélaga geta nýtt sér Facebook-hóp sem nefnist Tango club Reykjavík – Partnersearch:
https://www.facebook.com/groups/579335245422129/

Tangó-dansleikur nefnist ‘milonga’ og Tangófélagið stendur fyrir milongu í Kramhúsinu (“El Cramo”) í viku hverri á föstudagskvöldum kl. 21–24 nema í fyrstu viku hvers mánaðar þegar “El Cramo” færist yfir á laugardagskvöld (Skólavörðustíg 12, bakvið Bergstaðastræti 7).  Félagið býður þátttakendum á námskeiði Kramhússins ókeypis aðgang að öllum milongum þess á meðan á námskeiðum stendur.   Sérstök athygli er vakin á því að á milli kl. 21 og 22 á “El Cramo”  svokölluð ‘praktíka’ (eða æfinga-stund) í Kramhúsinu.   Þá er tilvalið að æfa nýju sporin sem kennd voru á byrjendanámskeiðinu (kl. 20) hjá Tryggva og Þórunni og fyrir þátttakendur í framhaldsnámskeiðinu liggur beint við að halda áfram að dansa á mílongu Tangófélagsins frá og með
kl. 22 (þegar námskeiðinu lýkur).

El Cramo: Nýtt skipulag

Frá og með október 2017 breytist fyrirkomulagið á hinni vikulegu
El Cramo mílongu Tangófélagsins þannig að í fyrstu viku hvers mánaðar færist hún frá föstudegi yfir á laugardagskvöld en í öllum öðrum vikum verður hún á föstudögum  eins og verið hefur.   Fyrsta laugardagsmílonga Tangófélagsins verður 7. október n. k.  (í stað föstudagsmilongu sem verið hefði 6. okt. skv. gamla skipulaginu).

Hægt er að lesa nánar um milongur Tangófélagsins hér http://tango.is/el-cramo-milonga/ og fylgjast með dagsetningum á Viðburðadagatali (http://tango.is/).